الرئيسية
أبد .. لا تعتذر منت السبب في العارض اللي صار ** أبد لا تعتذر والليّ حصل كلـّه من أسبابي !
مراعاتي ظروفك علـّمتك تولـّف الأعذار ** وطيبة قلبي اللي علـّـمتك اللعب بأعصابي !
رح الله قد عطاك إنــّــي ما أطالب قاتلي بالثأر ** بنفس البسمة أقابل عدوّي وأقرب أقرابي
لأني كنت أحب البحر ما كنت أعكس التيار ** وأخلّي الموج يرجع بي مكاني مثل ما جابي
لأني في قرارة نفسي أشوف السنين إقفار ** رضيت بحظي اللي ما رضى للحين يرضى بي !!!
أنا يخطي عليّ الناس وأسابقهم بالإستغفار ** وأقدّر للحرامي وقفته مرّة على بابي !!!
أبد مسموح منت أوّل عباد الله من الزوّار ** مجرّد خمسة حروف إحتواها فهرس كتابي !!
ولاكنت أوّل الخطوة ولا صرت آخر المشوار ** ولا كنت أوّل أحبابي ولا صرت آخر أحبابي !!
مدام الله خلقني مثل ما شفت آدمي محتار ** فليش أعيش في جلباب غيري وأنكر ثيابي ؟!!
أنا الصوت الصدى همس العصافير وشذى الأزهار ** أشوف إنّي سبقت الوقت ثم أنوّخ إركابي
أنا السرّ العجيب الليّ تزول بحلمه الأسرار ** ويحضر كل شيّ بحضرتي ويغيب بغيابي !!
تطيح وتحرق الدنيا جدايل شعرها بالنار ** وتقوم وتوقف الدنيا على شعرة من أهدابي !!